السلام عليكم
هده الكيفية التي تطبخين بها الشخشوخة تابعيني وسترين النتيجة بادن الله
المقادير:
بسم الله الرحمان الرحيم
لحم حسب افراد العائلةاو دجاج+حبة بصل+سنة ثوم+كاس حمص+حبة طماطم كبيرة+ملعقة طماطم مصبرة+نصف ملعقة كبيرة
من الملح+3ملاعق كبيرة زيت+نصف
ملعقة قهوة فلفل اسود+قليل من الزبدة ادا اردت اضافة توابل اخرى مثل الزنجبيل اوماشابه فمسموحلك تضيفينها.ضعيها في
القدر(برمة الكسكاس).
خليها تتقلى مليح ومن بعد امرقيها بالماء حوالي نصف لترخليها تغلي من بعدها خدي الشخشوخة حوالي كيلو على حساب عينك
رشيها بالماء والزيت بعدما تمزجيهم مع بعض وحطيها تفورحتى تطرى شوية وانت مرة على مرة امرقي البرمة تاعك قبل ماتنشف
لما تفور الشخشوخةعاودي رشيها بالماء والملح وخليها ترتاح شوية وبعدين رجعيها تفور للمرة الثانية وادا طاب اللحم تاعك مليح
نحيه هو والدجاج اضيفي الطماطم الحبة ارحيها وزيديلها المصبرة ولي للشخشوخة الي تفور ادا طرات مليح نحيها وادا مازالت
يابسة زيدي رجعيها للمرة الثالثةمع رش خفيف للماءوعند الانتهاء من التفوير ضعيها في قصعة من الالمنيوم كبيرة وافركيها بقليل من
الزبدة(حليها)وادا شفتي المرقة تاعك حمرة وخاثرة صبيها فوق الشخشوخة وحطيها على نار هادية باش تتجمر يعني تنشف من
المرقة غطيها بصينية كبيرة حتى تشرب المرقة تاعها .
اختي الكريمة ماتنسايش تحمري الدجاج في المقلى بقليل من الزيت ضعي الشخشوخة في سحن كبير(لبلاطو تاع الشخشوخة او
الكسكسي) حطي فوقها الحمص الي طيتبيه في المرقة وحطي اللحم من جهة والدجاج من جهة اخرى وزيديها قليل من الزبدة
هكدا اختي لعزيزة تكوني طيبتي الشخشوخة تاعك وادا حبيتي تكون مليحة اكثر اقلي معاها رؤوس من الفلفل الحار+سلاطة على
حساب دوقك وهكدا بربي انشاء الله تكلوها بصحة والهنى وانشاء الله تعجبكم كثير لانها اكلة رئيسية في الشرق مثل الكسكسي.
ودرك نقولكم بصحتكم وبصحة ناااااااااااااااااااااس ورقلة الكل وخاصة الي مشاركين في المنتدى ولحديث قياس.
سلااااااااااااااااااااااااااااااااااااااااااااااااااااااااااام.
